មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ បានធ្វើបទបង្ហាញស្តីពីបញ្ហាពិការភាព នៅបឋមសិក្សាតាំងកសាំងដែលមានទីតាំង ភូមិចំការឪឡឹក ខណ្ឌពោធិ៍សែនជ័យ រាជធានីភ្នំពេញ។អ្នកដែលទៅ ធ្វើបទបង្ហាញ មានដូចជាកញ្ញា ជា បុប្ផា កញ្ញា គង់សុធារ៉ា កញ្ញា ម៉ី មុន្នីរ័ត្ន កញ្ញា សួន ស្រីរ័ត្ន ជាជំនួយការផ្ទាល់ខ្ឡួន ហើយមា នប្អូនៗ សិស្សានុសិស្សចំនួន៣៩នាក់បានចូលរួមស្តាប់បទបង្ហាញ ស្តីពីបញ្ហាពិការភាព ដោយយក ចិត្ត ទុក ដាក់ ។ កញ្ញា ជា បុប្ផា បានសួរទៅកាន់ប្អូនៗថាដូចម្តេចដែលហៅថាពិការភាព? ប្អូនៗបានឆ្លើយថាដែលហៅថាពិការភាពគឺជនទាំងឡាយណាដែលខ្លះខាតឬ បាត់បង់ សរីរាង្គណាមួយ ។បន្ទាប់មកកញ្ញាបានសួរទៅប្អូនៗថាកត្តាអ្វីខ្លះធ្វើឲ្យពួកគាត់ពិការ?
ប្អូនៗបានឆ្លើយថាមកពី គ្រោះថ្នាក់ចរាចរណ៍ ជំងឺតម្កាត់ ដោយសារគ្រាប់មីន ពិការពីកំណើត និងគ្រោះថ្នាក់ការងារផ្សេងៗទៀត។
តើពេលដែលគាត់ធ្លាក់ខ្លួនពិការគាត់មានបញ្ហាអ្វីខ្លះ?ប្អូនៗបានឆ្លើយថា ពិបាករកស៊ីចិញ្ចឹមជីវិត
ពិបាករកគូរស្រករ មិនសូវមានការទំនាក់ទំនងល្អជាមួយមជ្ឈដ្ឋានទូទៅ ពិបាកទៅផ្សារ សាលារៀន វត្តអារាម ឬទីប្រជុំជននាៗ
កញ្ញាបន្តថាសម្រាប់ជនពិការធ្ងន់ធ្ងរគាត់មិនអាចធ្វើអ្វីបានដោយខ្លួនឯងបានទេ
គឺកាត់មានជំនួយការផ្ទាល់ខ្លួន ក្នុងការបំលាស់ទី ផ្លាស់ប្តូរសម្លៀកបំពាក់ ចំអិនអាហារ និងការងារផ្សេងៗ ។ កញ្ញាបានបង្ហាញអំពីគំនូររបស់ជនពិការគូដោយប្រើមាត់នៅប្រទេសតៃវ៉ាន់
ថាគាត់មានលក្ខណៈពិសេសជាងអ្នកមិនពិការ ហើយជនពិការគ្រប់រូបគឺគាត់មានសិទ្ឋរស់នៅដោយ
ស្មើរភាពដូចជនមិនពិការដែរ។កញ្ញាបានពន្យល់ដល់ប្អូនៗថាទោះបីគាត់ជនពិការ តែគាត់អាចធ្វើការងារផ្សេងៗទៅតាមលក្ខណៈពិការរបស់គាត់ដូចជា៖ ជាងគំនូរ ជាងអេឡិចត្រូនិច ម៉ាស្សា លេងតន្រី ច្រៀង វាយកុំព្យួទ័រនិងការងារផ្សេងៗទៀត។
បើសិនបច្ចុប្បន្ននេះនៅប្រទេសកម្ពុជាមានការចល័តទីចេញចូលងាយស្រូលសម្រាប់ជនពិការ
ជាពិសេសប្រព័ន្ឋជំនួយការផ្ទាល់ខ្លួនរបស់ជនពិការ គឺមិនមានបញ្ហាទេសម្រាប់ពួកគាត់។ ជាចុងក្រោយកញ្ញា ជាបុប្ផា សូមសំណូមពរដល់ប្អូនៗកុំមានការ
រើសអើងមកលើជនពិការនិងជួយលើកទឹកចិត្តដល់ពួកគាត់ ។និងសូមថ្លែងអំណរគុណដល់ លោក នាយកសាលាតាំងកសាំងបានអនុញ្ញាតអោយមជ្ឈមណ្ឌលPPCILធ្វើបទបង្ហាញស្តីពី បញ្ហាពិការភាពសូមជូនពរលោកនាយកនិងលោក គ្រូ អ្នកគ្រូ សិស្សានុសិស្សមានសុខភាពល្អ។
 |
| បទបញ្ហាស្តីពី បញ្ហាពិការភាព |
 |
 |
| ប្អូនៗបានឡើងឆ្លើយនិងសំនួរ |
 |
| កញ្ញា ជាបុប្ផា បង្ហាញរូបភាពជនពិការដែលមានសមត្ថភាព |
 |
| កញ្ញា ជា បុប្ផា និងលោកនាយកសាលាតាំងកសាំង |
 |
| ថតរូបជុំគ្នាទុកជាអនុស្សាវរីយ៍ |
