Tuesday, July 30, 2013

លទ្ឋផលការពិភាក្សានៅអាកាសយានស្ថានអន្តរជាតិភ្នំពេញ

ថ្ងៃទី៣០ ខែកក្តដា ឆ្នាំ២០១៣ ក្រុមការងាររបស់មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ(PPCIL) ចំនួន០៤នាក់មានដូចជា លោក ម៉ី សាម៉ីត កញ្ញាជា បុប្ផា លោកគុណ សុជា កញ្ញាសិទ្ឋ សុគន្ឋបុផា បានចុះទៅចរចានឹងពិភាក្សាជាមួយផ្នែករដ្ឋបាលនៃអាកាសយានស្ថានអន្តរជាតិភ្នំពេញ ក្នុងគោលបំណងពិភាក្សាអំពី បញ្ហាបន្ទប់អនាម័យសម្រាប់ជនពិការ ។

សូមបញ្ជាក់ផងដែរថា នៅអាកាសយានស្ថានអន្តរជាតិភ្នំពេញ គឺមានបន្ទប់អនាម័យសម្រាប់ ជនពិការប្រើប្រាស់រួចហើយ ប៉ុន្តែការសាងសង់ នូវមានចំនុចខ្វះខាតបន្ទិចបន្ទួច មិនអាច ប្រើប្រាស់ងាយ ស្រូលតាមតម្រូវការរបស់ជនពិការនៅឡើយទេ ។  ដូច្នេះក្រុមការបានធ្វើសំណើរ ដែលបង្ហាញពីសេចក្តីត្រូវការរបស់ជនពិការដូចជា ដាក់ស្លាកសញ្ញា ទ្វារបើកចេញក្រៅ និងត្រូវបំពាក់បង្កាន់ដៃសម្រាប់ជនពិការ៕ ល៕

រាល់សំណើររបស់ក្រុមការងារបានលើកឡើងអ្នកគ្រប់គ្រងផ្នែករដ្ឋបាល បានទទួល យកដោយក្តីរីក រាយ ហើយគាត់នឹងយកសំណើរនេះទៅរាយការណ៍ជូន លោកប្រធានឲ្យបានជ្រាប ដើម្បី ធ្វើការ កែសម្រួល ។

ក្រុមការងារមជ្ឈមណ្ឌលPPCIL សូមថ្លែងអំណរគុណដល់ លោកប្រធាន និងអ្នកគ្រប់គ្រង នៅអាកាសយានស្ថានអន្តរជាតិភ្នំពេញ ដែលបានចំណាយពេលវេលា ដ៍មានតំលៃ ចូលរួមពិភាក្សាអំពី បន្ទប់អនាម័យ សម្រាប់ជនពិការ  និងធ្វើការកែសម្រួលនៅចំនុចខ្វះខាត សម្រាប់ជនពិការ សូមជូនពរ មានសុខភាពល្អ ប្រាថ្នាអ្វីសូមបានសំរេច ។

អាគាររដ្ឋបាលអាកាសយានស្ថានភ្នំពេញ


កិច្ចពិភាក្សា


បន្ទប់អនាម័យ


Thursday, July 25, 2013

ជម្រាលចល័តនេះ ពិតជាងាយស្រួលសម្រាប់ជនពិការ

 ថ្ងៃទី២៥ ខែកក្ដដា ឆ្នាំ២០១៣

ក្រុមការងារមជ្ឈមណ្ឌលPPCIL  ចំនួន៤នាក់បានចុះទៅពិភាក្សានិងចរចា ជាមួយ លោក ស្រីប្រធានផ្សារអេបផល ម៉ាត ដែលមានទីតាំងនៅតាមបណ្តោយផ្លូវសហព័ន្ឋរស្សី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ ក្រុមការងារមជ្ឈមណ្ឌល បានលើកយក បញ្ហាមួយ មកពិភាក្សា គឺ ផ្លូវជម្រាលនៅមុខមាត់ទ្វារ អេបផល ម៉ាត ពីព្រោះនៅផ្សារអេបផល ម៉ាត គឺមិនមានផ្លូវ ជម្រាលសម្រាប់ជនពិការប្រើប្រាស់នៅឡើយ មូលហេតុនេះហើយ បានជាមជ្ឈមណ្ឌលPPCIL ធ្វើការដាក់លិខិតណាត់ជួបលោក ស្រីប្រធានផ្សារ ជាញឹកញាប់ ប៉ុន្តែការណាត់ជួប គឺមិនបានជាលទ្ឋផលអ្វីឡើយ ពីព្រោះម្ចាស់ផ្សារអេបផល ម៉ាត គាត់ មិនព្រមយកការស្នើសុំនេះទេ ។ប៉ុន្តែមជ្ឈមណ្ឌល PPCIL គឺមានជម្រាលចល័តមួយ ដើម្បីធ្វើជាគំរូ គឺមិនមានការប៉ះពាល់ដល់កន្លែងចតឡាននោះទេ ។ គាត់ក៍ទទួលយកការណាត់ជួបពិភាក្សាជាមួយក្រុមការងារ ប៉ុន្តែគួរអោយសោកស្តាយ ពេលក្រុមការងារទៅដល់បែរជាមិនបានជួបលោកស្រីប្រធានផ្សារអេបផល ម៉ាត គឺមានការរវល់មិនបាននៅកន្លែងនោះទេ តែហេតុអ្វីបានជាគាត់មិនទទួលខុសត្រូវ ចំពោះពាក្យសំដីសន្សានេះសោះ ។ ហើយគ្រាន់តែដាក់ជម្រាលមួយនៅមុខមាត់ទ្វារម៉ាត សោះពិបាកអីក៍យ៉ាងនេះ ប្រើប្រាស់បានទាំងអស់គ្នា ស្រួលទាំងពីការ រុញឥវ៉ាន់ឡើង រទេះកូនក្មេង និងមនុស្សចាស់ជរា ក៍អាចប្រើបាន ជាពិសេសគឺជនពិការដែលគាត់ត្រូវការទិញសម្ភារ: ផ្សេងៗ
ក៍អាចចូលទិញបាន ហើយផលប្រយោជន៍គឺបានទាំងអស់គ្នា ។

ក្រុមការងារមជ្ឈមណ្ឌលPPCILគឺមិនបោះបង់នៅការណាត់ជួបលោកស្រី ប្រធានផ្សារអេបផល ម៉ាត

នោះទេ យើងនឹងធ្វើការណាត់ជួបគាត់ជាថ្មីម្តងទៀត ដើម្បីអោយគាត់ទទួលយក នៅសំណើរ របស់មជ្ឈមណ្ឌល។

                                         កសាងសង្គមមួយសម្រាប់យើងទាំងអស់គ្នា




ខ្ញុំពិតជាត្រូវការជម្រាលនេះនៅមុខផ្សារអេបផល ម៉ាតណាស់





ធ្វើសិទ្ឋិឲ្យក្លាយជាការពិត

Tuesday, July 23, 2013

លទ្ឋផលកិច្ចពិភាក្សារវាងមជ្ឈមណ្ឌលPPCILជាមួយអ្នកគ្រប់គ្រងផ្សារអារ៉ូណា( ARONA mart)

ព្រឹកថ្ងៃទី២៣ ខែកក្តដា ឆ្នាំ២០១៣

ក្រុមការងារមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ (PPCIL) ចំនួន០៤នាក់ មានដូចជា កញ្ញា ជា បុប្ផា កញ្ញាប្រាក់វ៉ាន់ដា អ្នកនាងឡៅ ម៉ាលីកានឹងលោកគុណ សុជា បានចុះទៅធ្វើការចរចា និងពិភាក្សាជាមួយលោក សេង ជួ ជាប្រធានគ្រប់គ្រង នៅផ្សារអារ៉ូណា (ARONA) ដែលមានទីតាំងនៅផ្លូវកម្ពុជាក្រោម សង្កាត់ទឹកល្អក់១ ខណ្ឌទូលគោក រាជធានីភ្នំពេញ ។

គោលបំណងរបស់ក្រុមការងារដែលយកមកពិភាក្សា ស្តីពីការចល័តទី ចេញចូល ងាយស្រួល សម្រាប់ជនពិការនៅក្នុងផ្សារអារ៉ូណា(ARONA)  ហើយមជ្ឈមណ្ឌល PPCIL បានធ្វើការផ្តោតសំខាន់ទៅលើជនពិការដែលគាត់ប្រើប្រាស់រទេះរុញ ឬក៍ជនពិការដែលគាត់កាន់ ឈើជ្រក់  និងចាស់ជរាពួកគាត់ក៍អាចប្រើប្រាស់ផ្លូវជម្រាលនេះបានផងដែរ ៕

កញ្ញា ជា បុប្ផា បានសំណូមពរ និងស្នើសុំឲ្យលោក សេង ជួ ជាប្រធានគ្រប់គ្រងនៅផ្សារអារ៉ួណា ជួយកែរសម្រួលតែបញ្ហាមួយចំនុចទេគឺ ផ្លូវជម្រាល ច្រកចូលមាត់ទ្វារ ផ្សារអារ៉ូណា ពីព្រោះនៅមុខ
មាត់ទ្វារគឺមានខឺនចំនួន២កាំ ធ្វើឲ្យជនពិការដែលគាត់ប្រើប្រាស់រទេះរុញ ពិបាកក្នុងការចូលផ្សារ ទិញសម្ភារ:ផ្សេងៗ ដែលគាត់ត្រូវការ ។  ក្រោយពីបានពិភាក្សាគ្នារួចមក លោក សេង ជួ គាត់និងយកបញ្ហាដែលបាននិយាយគ្នាក្នុងថ្ងៃនេះ ទៅជម្រាបដល់ម្ចាស់ផ្សារឲ្យគាត់បានដឹងពី ឧបសគ្គសម្រាប់ជនពិការ  ។

មជ្ឈមណ្ឌលPPCIL សូមថ្លែងអំណរគុណដល់លោក សេង ជួ ដែលបានចំណាយពេលវេលា ធ្វើការពិភាក្សា ជាមួយក្រុមការងា និងសូមជូនពរ លោក ប្រធានផ្សារព្រមទាំងបុគ្គលិកដែល បំរើការងារនៅក្នុងផ្សារអារ៉ូណា មានសុខភាពល្អ ប្រាថ្នាអ្វីសូមអោយបានសំរេច ។

កិច្ចពិភាក្សា


រួមគ្នាធ្វើសិទ្ឋិឲ្យក្លាយជាការពិត


លទ្ឋផលកិច្ចពិភាក្សាក្រុមការងារPPCIL និងអ្នកគ្រប់គ្រង តេលាម៉ាត ណតប្រ៊ីដ

រសៀលថ្ងៃទី២២ ខែកក្តដា ឆ្នាំ២០១៣

 ក្រុមការងារនៃមជ្ឈមណ្ឌលPPCIL បានចុះទៅពិភាក្សាស្តីពី ការចល័តទីចេញចូល សម្រាប់ជនពិការ នៅ( តេលាម៉ាត ណតប្រីដ)មានទីតាំងស្ថិតនៅផ្លូវ២០០៤ ។ ក្រុមការងារចំនួន០៥នាក់រួមមាន លោកវ៉ែន រតនា កញ្ញាគង់សុធារ៉ា កញ្ញាសិទ្ឋិគន្ឋបុប្ផា អ្នកនាងឡៅ ម៉ាលីកា និងលោកគុណ សុជា បានជួបពិភាក្សាជាមួយលោក ជួន បុត្រ ជាអនុប្រធានគ្រប់គ្រង់នៅ( តេលា ម៉ាត ណតប្រ៊ិដ)ផ្លូវ២០០៤ កិច្ចពិភាក្សាគឺផ្តោតសំខាន់ទៅលើការចល័តទីចេញចូល សម្រាប់ជនពិការមានដូចជា ផ្លូវជម្រាល និងបន្ទប់ទឹក និងចំណតរថយន្តសម្រាប់ជនពិការ ។

សូមបញ្ជាក់ផងដែរថា នៅតេលា ម៉ាត ណតប្រ៊ិដ គឺមិនមានការល័តទីល្អសម្រាប់ជនពិការនោះទេ
ច្រកចូលមាត់ទ្វារ ម៉ាត គឺមានកាំជណ្តើរពីរកាំ ហើយបង្គន់អនាម័យមានទំហំធំទូលាយហើយ ប៉ុន្តែទ្វារបើកចូល ក្នងនិងមានកាំជណ្តើរពីរកាំ ធ្វើឲ្យជនពិការពិបាកក្នុងការប្រើប្រាស់បើគ្មាន អ្នកជួយដល់គាត់ ទាំងនេះហើយជាឧបសគ្គ សម្រាប់ជនពិការគ្រប់រូប ។

ក្នុងឱកាសនោះក្រុមការងារមជ្ឈមណ្ឌលPPCIL បានសំណូមពរ និងស្នើសូមឲ្យតេលា ម៉ាត ណតប្រ៊ិដ ជួយកែរសម្រួលនូវចំនុចខ្វះខាតមានដូចខាងក្រោម

១.សូមជួយសាងសង់ផ្លូវជម្រាល ច្រកចូលមាត់ទ្វា ម៉ាត ដើម្បីឲ្យជនពិការងាយស្រួលក្នុង ការប្រើរទេះរុញ ។

២. សូមជួយកែរសម្រួលបង្គន់អនាម័យមានទ្វារបើកចេញក្រៅ និងសាងសង់ផ្លូវជម្រាល មុខបង្គន់អនាម័យ  ។

៣.សូមជួយសាងសង់ចំណតរថយន្តសម្រាប់ជនពិការ

៤.បំពាក់ស្លាកសញ្ញានៅតាម មានបង្គន់អនាម័យ និងផ្លូវជម្រាលសម្រាប់ជនពិការ ។

លោកជួន បុត្រ គាត់បានមានប្រសាសន៍ថា រូបលោក មិនហ៊ានសម្រេចទេ ពីព្រោះគាត់គ្រាន់តែជាអនុប្រធានគ្រប់គ្រងប៉ុណ្ណោះ ប៉ុន្តែគាត់និងយកការពិភាក្សាក្នុងថ្ងៃនេះ នៅអង្គប្រជុំប្រចាំខែ  ដើម្បីឲ្យលោកប្រធានគាត់បានជ្រាបនៅបញ្ហានិងឧបសគ្គ សម្រាប់ជនពិការ ។

កិច្ចពិភាក្សា

ច្រកចូលបន្ទប់ទឹក

បង្គន់អនាម័យ
តេលា ម៉ាត