Tuesday, December 10, 2013

ទិវាជនពិការកម្ពុជាលើកទី១៥ និងទិវាជនពិការអន្តរជាតិលើកទី៣១

ថ្ងៃទី១០ ខែធ្នូ ឆ្នាំ២០១៣ មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំ(PPCIL) បានទៅចូលរួម ទិវាជនពិការកម្ពុជាលើកទី១៥ និងទិវាជនពិការអន្តរជាតិលើកទី៣១ ក្រោមប្រធានបទ ( លុបបំបាត់ឧបសគ្គនានា និងផ្តល់ឱកាសដល់ជនពិការដើម្បី សង្គមមួយ សម្រាប់យើងទាំងអស់គ្នា )។ ក្រោមអធិបតីភាពដ៍ខ្ពង់ខ្ពស់របស់សម្តេចអគ្គមហាសេនាបតីតេជោ
ហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា ។

ក្នុងឱកាសនោះមជ្ឈមណ្ឌលPPCILមានតាំងពិព័ណជារូបភាព មានដូចជា រូបសកម្មភាព និងរូបភាពដំណើរកំសាន្តជនពិការធ្ងន់ធ្ងរ។

ស្តង់តាំងពិព័ណរូបភាពPPCIL
សម្តេចហ៊ុន សែន ទស្សន:កិច្ចស្តង់PPCIL
ជនពិការPPCILថតជាមួយលោកជំទាវ
ថតរូបជាមួយបងស្រីយុគ ចិន្តា



Monday, November 18, 2013

លិខិតថ្លែងអំណរគុណ

ថ្ងៃទី០២ ខែវិច្ឆិកា ឆ្នាំ២០១៣

លោក ម៉ី សាម៉ីត នាយកប្រតិបត្តិ ព្រមទាំងបុគ្គលិក មជ្ឈមណ្ឌលជីវិតរស់នៅដោយឯករាជ្យ នៃជន ពិការភ្នំពេញ (PPCIL) សូមថ្លែងអំណរគុណ ដល់លោក នាយក វិទ្យាល័យជាស៊ីម ឈូកវ៉ា ដែលបានសហការជាមួយមជ្ឈមណ្ឌល(PPCIL) ក្នុងការធ្វើបទបង្ហាញខ្លីដល់សិស្ស ស្តី ពីគោល គំនិតពិការភាពនិងសេវាជំនួយការផ្ទាល់ខ្លួនជួយដល់ជនពិការធ្ងន់ធ្ងរ រយ:ពេល ២០នាទីដែលបានប្រព្រឹត្តទៅចាប់ពីថ្ងៃទី៣០តុលា ដល់ថ្ងៃទី០២ ខែវិច្ឆិកា ឆ្នាំ២០១៣ ប្រកបដោយជោគជ័យ ។

ការយកចិត្តទុកដាក់ប្រកបដោយភាពទទួលខុសត្រូវខ្ពស់នេះ គឺបង្ហាញពីការចូលរួម យ៉ាង សំខាន់បំផុតក្នុងការលើកទឹកចិត្ត និងលើកកម្ពស់សិទ្ឋិបងប្អូនជនពិការ សំដៅ ឲ្យមានការផ្លាស់ប្តូរជាវិជ្ជមានមកលើជនពិការ នាពេលអនាគតជាក់ជាមិនខាន។

យើងខ្ញុំទាំងអស់គ្នាជាបុគ្គលិក និងជាសមាជិក សមាជិកា នៃមជ្ឈមណ្ឌល(PPCIL) សូមគោរពជូនពរលោក នាយក និងលោកគ្រូ អ្នកគ្រូ ទាំងអស់ទទួលបានសុខភាពល្អ ព្រមទាំងជោគជ័យគ្រប់ភារ:កិច្ច ។


លោកម៉ី សាម៉ីត ជូនលិខិតថ្លែងអំណរគុណដល់លោក នាយក វិទ្យាល័យជាស៊ីម ឈូកវ៉ា



Wednesday, October 30, 2013

បទបង្ហាញស្តីពីបញ្ហាពិការភាព

ថ្ងៃទី៣០-៣១ ខែតុលា ឆ្នាំ២០១៣ ក្រុមការងារមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ(PPCIL) បានចុះទៅធ្វើបទបង្ហាញស្តីពីបញ្ហាពិការភាពនៅវិទ្យាល័យ ជា ស៊ីម ឈូកវ៉ា ដោយចែកជាពីរក្រុមដើម្បីធ្វើបទបង្ហាញក្រុមទី១ មានលោក ម៉ី សាម៉ីត និងលោកអេង ឡៃហឿន ក្រុមទី២ មានលោកវ៉ែន រតនា និងកញ្ញា ជា បុប្ផា ។  អ្នកចូលរួមសរុបចំនួន១៥២នាក់

គោលបំណងផ្សព្វផ្សាយពីបញ្ហាពិការភាព ទៅដល់ប្អូនៗឲ្យមានការយល់ដឹង កុំឲ្យមានការ រើសអើងមកលើជនពិការ ។

ជាកិចាប់ផ្តើមបទបង្ហាញមានដូចខាងក្រោម

1.និយមន័យពាក្យថាពិការភាព

2. មូលហេតុដែលបណ្តាលឱ្យពិការ

3. បញ្ហាប្រឈមនៃការរើសអើង

4. សិទ្ឋិជាមូលដ្ឋាន

5. ជនពិការនិងសមត្ថភាព

ចំណាប់អារម្មណ៍

ពេលដែលខ្ញុំបានស្តាប់ការធ្វើបទបង្ហាញ ស្តីពីបញ្ហាពិការភាពនេះ ហើយ ខ្ញុំមានអារម្មណ៍រំ ភើបរីក រាយ យ៉ាងខ្លាំង ពីព្រោះនេះជាលើកទីមួយសម្រាប់ខ្ញុំ ហើយខ្ញុំក៍បានយល់ដឹងពីជនពិការបានច្រើន។


ជាចុងក្រោយក្រុមការងារPPCIL បានថ្លែងអំណរគុណដល់ប្អូនៗដែលបានចំណាយពេលវេលាដ៍មានតំលៃចូលរួមស្តាប់ការធ្វើបទ
បង្ហាញស្តីពីពិការភាព និងសូមជូនពរ លោកគ្រូ អ្នកគ្រូសិស្សានុសិស្ស ទាំងអស់មានសុខភាពល្អ រៀនអោយពូកែ ។

បទបង្ហាញលោក ម៉ី សាម៉ី



បទបង្ហាញលោក វ៉ែន រតនា



បទបង្ហាញ កញ្ញា ជា បុប្ផា


Thursday, September 26, 2013

កិច្ចពិភាក្សាក្រុមការងារPPcil ជាមួយអ្នកគ្រប់គ្រងផ្សារទំនើបស៊ូភើស្ទ័រ

ថ្ងៃទី២៦ ខែកញ្ញា ឆ្នាំ២០១៣ វេលាម៉ោង៩:30នាទីព្រឹក ក្រុមការងារមជ្ឈមណ្ឌលPPCIL ចំនួន០២នាក់ មានដូចជា លោកវ៉ែន រតនា និងលោក អេងឡៃ ហឿន បានចុះទៅជួបពិភាក្សាជាមួយជាមួយលោក ងួនលាងហុង ជាអ្នកគ្រប់គ្រង់ នៅផ្សារទំនើបស៊ូភើស្ទ័រ ស្តីពីការចល័តទី ចេញចូល សម្រាប់ជនពិការ ។ សូមបញ្ជាក់ផងដែរថា នៅផ្សារទំនើប នេះគឺមានជម្រាលសម្រាប់ជនពិការ ប៉ុន្តែចំណែកបន្ទប់អនាម័យ វិញគឺជនពិការមិនអាច ប្រើប្រាស់បាននោះទេ ដូច្នេះហើយបានជាមជ្ឈមណ្ឌលPPCIL ដាក់លិខិត សូមការណាត់ ជួបពិភាក្សាបញ្ហានេះ ។  ក្រោយពីបានជួបពិភាក្សាគ្នាអស់រយ:ពេលជិត២០នាទីរួចមក អ្នកគ្រប់គ្រងនៅផ្សារទំនើបស៊ូភើស្ទ័រ បានមានប្រសាសន៍ថា គាត់យកសំណើរនេះជូនទៅប្រធានផ្សារជាមុនសិន ពីព្រោះគាត់មិនហ៊ានសំរេចឡើង ។

ក្នុងឱកាសនោះក្រុមការងារបានជូនសៀវភៅ១ច្បាប់ស្តីពីកិច្ចការពារនិងលើកកម្ពស់សិទ្ឋិជនពិការ ទៅលោក ងួនលាង ហុង ដើម្បីទុក មើលនៅមាត្រាមួយចំនួន ដែលមានក្នុងសៀវភៅច្បាប់នេះ ។


កិច្ចពិភាក្សា


បន្ទប់អនាម័យ 

Friday, September 13, 2013

កិច្ចពិភាក្សារវាងមជ្ឈមណ្ឌលPPCIL ជាមួយអាហារដ្ឋាន ធីម៉ាត

ថ្ងៃទី១៣ ខែកញ្ញា ឆ្នាំ២០១៣ វេលាម៉ោង២:00 រសៀល

ក្រុមការងារមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ(PPCIL) ចំនួន០៦នាក់ បានចុះទៅជួបពិភាក្សានិងចរចានៅអាហារដ្ឋាន ធីម៉ាត ដែលមានទីតាំងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ កិច្ចពិភាក្សាស្តីពី ការចល័តទីចេញ ចូល សម្រាប់ជនពិការដែលប្រើប្រាស់រទេះរុញ សូមបញ្ញាក់ផងដែរថានៅក្នុងអាហារដ្ឋាន ធីម៉ាត គឺមានបន្ទប់អនាម័យធំទូលាយ ប៉ុន្តែនៅមានចំនុចខ្វះខាត ជាច្រើនដែរ ជាឧបសគ្គ សម្រាប់ជនពិការនៅពេលដែលគាត់ប្រើប្រាស់បន្ទប់អនាម័យ ។ដូច្នេះហើយបានជាមជ្ឈមណ្ឌលPPCIL បានដាក់លិខិតណាត់ជួបដើម្បីពិភាក្សា ជាមួយអ្នកគ្រប់ គ្រងអាហារដ្ឋាន ធីម៉ាត។
ក្នុងកិច្ចពិភាក្សានោះក្រុមការងារមជ្ឈមណ្ឌលPPCIL បានស្នើសុំនិងសំណូមពរ ៣ចំនុចមានដូចជា

១ .បន្ទប់អនាម័យ
២ .ផ្លូវជម្រាល
៣ .ស្លាកសញ្ញាជនពិការ

ក្រោយពីបានធ្វើការពិភាក្សាអស់រយ:ពេល ២០នាទីរួចមក លោក សុខ សុនដែលជាមេការនៅអាហារដ្ឋាន ធីម៉ាត បានទទួលយកសំណើរទាំងបីចំនុចនេះ ដោយក្តីរីករាយរបស់ក្រុមការងារ ហើយគាត់និងយកទៅជម្រាបម្ចាស់អាហារដ្ឋាន ក្នុងពេលឆាប់ៗនេះ ។ មិនតែប៉ុណ្ណោះ គាត់បានផ្តល់គំនិតវិជ្ជមានច្រើនមកលើជនពិការ គាត់បានមានប្រសាសន៍បន្តថា គាត់និងព្យាយាមដើម្បីលើកស្ទួយវិស័យពិការ ឲ្យមានលក្ខណ:ល្អប្រសើរ ណាមួយគាត់ចង់ឲ្យអាហារដ្ឋានធីម៉ាត នេះ ជាគំរូដល់ទីសាធារណ:ដ៍ទៃទៀត ។

មជ្ឈមណ្ឌលPPCIL សូមថ្លៃងអំណរគុណយ៉ាងជ្រាវជ្រៅដល់អ្នកគ្រប់គ្រងអាហារដ្ឋាន ធីម៉ាត ដែលបានចំណាយពេលវេលាដ៍មានតំលៃធ្វើការពិភាក្សាបញ្ហាការចល័តទីសម្រាប់ជនពិការ និងសូមជូនពរមានសុខភាពល្អ ជោគេជ័យគ្រប់ភារកិច្ច ។



កិច្ចពិភាក្សា


Wednesday, September 4, 2013

លទ្ឋផលកិច្ចពិភាក្សារវាងមជ្ឈមណ្ឌលPPCIL ជាមួយប្រធានរដ្ឋបាលនៃធនាគារ អេស៊ីលីដា និងប្រធានសាខា គ្រឹះសា្ថនមីក្រូហិរញ្ញវត្ថុ(អម្រឹត)

ព្រឹកថ្ងៃទី០៤ ខែកញ្ញា ឆ្នាំ២០១៣ វេលាម៉ោង៩:៣០នាទីព្រឹក ក្រុមការងារមជ្ឈមណ្ឌលPPCIL ចំនួន0៥នាក់បានចុះទៅចរចានិងពិភាក្សាស្តីពីការចល័តទីចេញចូលសម្រាប់ជនពិការជាមួយលោក ស្វាយ ស៊ីណារ៉េត ជាប្រធានផ្នែករដ្ឋបាល នៃធនាគារ អេស៊ីលីដា ដែលមានទីតាំង នៅអគារ ១៤២-១៤៣ ក្រុមទី៣ ផ្លូវជាតិលេខ៤ ភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។សូមបញ្ជាក់ផងដែរថា នៅធនាគារ អេស៊ីលីដា គឺមានបន្ទប់ទឹករួចហើយប៉ុន្តែជនពិការប្រើប្រាស់មិនបាន ពីព្រោះជម្រាលនៅមុខបន្ទប់អនាម័យ វាចោទពេកពិបាក់ក្នុងការរុញរទេះឡើង ដូច្នេះហើយបានជាមជ្ឈមណ្ឌលPPCIL បានដាក់លិខិតសូមការណាត់ជួបជាមួយអ្នកគ្រប់គ្រងធនាគារ អេស៊ីលីដា សាខាចោមចៅ ដើម្បីពិភាក្សាស្តីពីការចល័តទី ចេញ ចូលសម្រាប់ជនពិការ  ។ក្នុងកិច្ចពិភាក្សានោះ ក្រុមការងារបានសំណូមពរ និងស្នើសុំ ឲ្យអ្នកគ្រប់គ្រង់នៅធនាគារអេស៊ីលីដា ជួយកែសម្រួលនៅចំនុចខ្វះខាត ដូចជា ផ្លូវជម្រាលចូលបន្ទប់អនាម័យ ,ដាក់បង្កាន់ដៃនិងឡាបូលាងដៃអោយទាបបន្ទិចដើម្បីអោយមានភាពងាយស្រួលក្នុងការប្រើប្រាស់សម្រាប់ជនពិការ ។

ក្រោយពីការពិភាក្សារួចមកលោក ស្វាយ ស៊ីណារ៉េត បានមានប្រសាសន៍ថា នៅធនាគារអេស៊ីលីដា គឺមានគម្រោងសាងសង់បន្ទប់អនាម័យសម្រាប់ជនពិការ រួចហើយ ប៉ុន្តែសាខាចោមចៅនេះជាអគារជួល ហើយគាត់បានពិភាក្សាជាមួយនិងម្ចាស់ផ្ទះ ពីរបីដងរួចមកហើយ ដើម្បីសាងសង់បន្ទប់អនាម័យថ្មីមួយទៀតសម្រាប់ជនពិការ  តែម្ចាស់ផ្ទះមិនយល់ព្រម ហើយគាត់បានមានប្រសាសន៍ថា ផ្ទះរបស់ គាត់គឺមានបន្ទប់អនាម័យច្រើនហើយ សូមឲ្យអ្នកគ្រប់គ្រង់យកបន្ទប់ណា មួយមកកែរសម្រួលទៅ ។
លោក ស្វាយស៊ីណារ៉េត បានបន្តទៀតថា គាត់និងយកសំណើរនេះទៅពិភាក្សាជាមួយលោក ប្រធាន ហើយគាត់និងជួយកែរសម្រួលបន្ទប់អនាម័យចាស់ តាមដែរអាចធ្វើទៅបាន




កិច្ចពិភាក្សា
ត្រួនពិនិត្យបន្ទប់អនាម័យ


ធនាគារ អេស៊ីលីដា (សាខាចោមចៅ)


ម៉ោង១០:៣០នាទី បានជួបពិភាក្សាជាមួយ អ្នកគ្រប់គ្រង់នៅគ្រឺះស្ថានមីក្រូហិរញ្ញវត្ថុ អម្រឹត សាខាចោមចៅ ក្រុមការងារបានចុះទៅចរចា និងពិភាក្សាជាមួយលោក លោក ឃឹម កុសល ស្តីពីការចល័តទី ចេញ-ចូល សម្រាប់ជនពិការ ។ សូមបញ្ជាក់ផងដែរថានៅ អម្រឹត សាខាចោមចៅ គឺមិនមានបន្ទប់អនាម័យនិងផ្លូវជម្រាល សម្រាប់ជនពិការប្រើប្រាស់នៅឡើយ ដូច្នេះហើយបានជាមជ្ឈមណ្ឌលPPCIL បានដាក់លិខិតសូមការណាត់ជួបពិភាក្សា ស្តីពីការចល័តទី នៅក្នុងគ្រឹះស្ថានមីក្រូហិរញ្ញវត្ថុ អម្រឹត ដើម្បីឲ្យមានភាពងាយស្រួលសម្រាប់ជនពិការ ក្នុងនោះក្រុមការងារបានសំណូមពរ និងស្នើសុំ ឲ្យអ្នកគ្រប់គ្រង់ជួយកែសម្រួលនៅចំនុចខ្វះខាតមានដូចជា ផ្លូវជម្រាលមុខច្រកចូល និងមុខបន្ទប់អនាម័យ ព្រមទាំងបន្ទប់អនាម័យកែទ្វារចេកមកក្រៅ និងបំពាក់បង្កាន់ដៃសម្រាប់ជនពិការ ផងដែរ៕

ក្រោយពីការពិភាក្សាគ្នារួចមក លោក ឃឹម កុសល បានមានប្រសាសន៍ថា គាត់និង យក សំណើរនេះទៅជូនលោកប្រធានជាមុនសិន  រាល់ការប្រជុំប្រចាំខែ ។

ក្រុមការងារមជ្ឈមណ្ឌលPPCIL សូមថ្លែងអំណរគុណយ៉ាងជ្រាវជ្រៅ ដល់ អ្នកគ្រប់គ្រង់នៅ ធនាគារអេស៊ីលីដា និងគ្រឹះស្ថានមីក្រូហិរញ្ញវត្ថុ អម្រឹត ដែលបានចំណាយពេលវេលា ក្នុងការពិភាក្សា នៅបញ្ហា និងជាឧបសគ្គសម្រាប់ជនពិការ សូមគោរពជូនពរមានសុខភាពល្អ ជោកជ័យគ្រប់ភារកិច្ច ។


កិច្ចពិភាក្សា


អម្រឹត (សាខាចោមចៅ)

Tuesday, September 3, 2013

ប្រជុំក្រុមជនពិការដើម្បីអភិវឌ្ឍសហគមន៍(DCD)

ថ្ងៃទី០២ ខែកញ្ញា ឆ្នាំ២០១៣ ក្រុមការងារមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ
(PPCIL) បានចុះទៅសម្របសម្រួលសមាជិកក្រុមDCD នៅភូមិប្រយុគ ឃុំទំនប់ ស្រុកបាធាយ ខេត្តកំពង់ចាម។ក្រុមការងារបានចុះទៅមានចំនួន០៤នាក់ លោកម៉ី សាម៉ីត, កញ្ញា គង់ស្រីញៀន ,កញ្ញាសៅ សារ៉ាន់, និងលោកគុណសុជា  ។ កម្មវិធីប្រជុំចាប់ផ្តើមនៅម៉ោង១៣.៣០-១៥.៣០រសៀល ដែលមានរបៀបវារ:ដូចខាងក្រោម

១. សមាជិកDCD មករៀនជំនាញនៅសាលាបណ្តុះបណ្តាលវិជ្ជាជីវ:បន្ទាយព្រាប
២. បញ្ហាផ្លូវជម្រាលDCD

នៅក្នុងអង្គប្រជុំ លោកម៉ី សាម៉ីត បានមានប្រសាសន៍ថា ថ្ងៃនេះជាថ្ងៃដែលសមាជិកDCD ពីររូប បានទៅរៀនជំនាញនៅសាលាបណ្តុះបណ្តាលវិជ្ជាជីវ:បន្ទាយព្រាប នៅរាជធានីភ្នំពេញ គឺមានកញ្ញា ហ៊ុល ស្រីហ៊ុច និងកញ្ញា ចិក រតនា ។

សូមបញ្ជាក់ផងដែរថា កញ្ញា ល៉ីវ ស្រីអាន ក៍ត្រូវមានរៀនជំនាញដែរ ប៉ុន្តែកញ្ញា បានប្តូរចិត្តមិនទៅរៀនជំនាញវិញ ដោយសារតែគ្រួសារមិនអនុញ្ញាត នោះទេពីព្រោះមិនមានអ្នកនៅមើលផ្ទះ។

នៅក្នុងឱកាសនោះលោក ម៉ី សាម៉ីត បានលើកឡើងអំពីបញ្ហាជម្រាលថា ជម្រាលដែលបានសាងសង់រួចហើយនេះគឺប្រើប្រាស់មិនបានទេ គឺត្រូវកែរសម្រួលថ្មី
ហើយសមាជិកទាំងអស់បានសំរេចថា ធ្វើជម្រាលថ្មី សាងសង់អំពីឈើ  ។


សកម្មភាពអង្គប្រជុំ

ពិភាក្សាការសាងសង់់ជម្រាលថ្មី

Friday, August 23, 2013

កិច្ចពិភាក្សារវាងក្រុមការងារPPCIL ជាមួយ លោកនួន ច័ន្ទថុល

កាលពីថ្ងៃទី២២ ខែសីហា ឆ្នាំ២០១៣ វេលាម៉ោង១០ព្រឹក ក្រុមការងារមជ្ឈមណ្ឌលPPCILចំនួន៤នាក់ បានចុះទៅធ្វើការចរចានិងពិភាក្សាជាមួយលោក នួន ច័ន្ទថុល ជាជំនួយការប្រធាននៅមជ្ឈមណ្ឌលពាណិជ្ជកម្ម អ៊ែតវូត  ដែលមានទីតាំងនៅតាម បណ្តោយផ្លូវសហព័ន្ឋរស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ កិច្ចពិភាក្សាស្តីអំពី ការចល័តទីចេញ ចូល សម្រាប់ជនពិការដែលប្រើប្រាស់រទេះរុញ ។សូមបញ្ជាក់ផងដែរថា នៅមជ្ឈមណ្ឌលពាណិជ្ជកម្ម អ៊ែតវូត គឺមានការចល័តទីល្អសម្រាប់ជនពិការប្រើប្រាស់នោះទេ ដូច្នេះហើយបានជាមជ្ឈមណ្ឌល PPCIL បានដាក់លិខិតសូមការណាត់ជួបដើម្បីពិភាក្សា អ្វីដែលជាឧបសគ្គសម្រាប់ជនពិការ ។
ក្រុមការងារ បានស្នើរសុំនិងសំណូមពរឲ្យមជ្ឈមណ្ឌលពាណិជ្ជកម្ម អ៊ែតវូត មាន៤ចំនុចដូចខាងក្រោម

១. សាងសង់ផ្លូវជម្រាល
២. បន្ទប់អនាម័យ
៣. ស្លាកសញ្ញា
៤. ចំណតរថយន្តសម្រាប់ជនពិការ

ក្រោយពីបានពិភាក្សាគ្នាអស់រយ:ពេលជិត៣០នាទីរួចមកគាត់បានមានប្រសាសន៍ថា
រូបលោកនិងសាងសង់ផ្លូវជម្រាលនៅមុខជណ្តើរយន្តដើម្បីអោយជនពិការងាយស្រួលប្រើប្រាស់ តែបើននៅមុខហាងលក់ទំនិញផ្សេងទៀតគាត់ហ៊ានសំរេចនោះទេ ពីព្រោះថា អគារនីមួយៗ គឺបានលក់ និងជួលអោយអ្នកជំនួញអស់ហើយ ។

ប៉ុន្តែគាត់និងយកសំណើរនេះទៅពិភាក្សាគ្នារាល់ការប្រជុំប្រចាំខែ បើសិនជាបានលទ្ឋផលយ៉ាង គាត់និងទំនាក់ទំនងមកមជ្ឈមណ្ឌលPPCIL វិញ ។

មជ្ឈមណ្ឌលPPCIL សូមថ្លែងអំណរគុណយ៉ាងជ្រាវជ្រៅ ដល់លោកពួ នួន ច័ន្ទថុល ដែលបានចំណាយពេលវេលាដ៍មានតម្លៃចូលរួមពិភាក្សា ការចល័តទីសម្រាប់ជនពិការក្នុងថ្ងៃនេះ សូមគោរពជូនលោកពូ មានសុខភាពល្អ ប្រាថ្នាអ្វីសូមអោយបានសំរេច ។


កិច្ចពិភាក្សា

លោក នួន ច័ន្ទថុល

មជ្ឈមណ្ឌលពាណិជ្ជកម្មអ៊ែត វូត
                                   
                                        កសាងសង្គមមួយសម្រាប់យើងទាំងអស់គ្នា

Thursday, August 15, 2013

កិច្ចពិភាក្សារវាងក្រុមការងារPPCILជាមួយប្រធានផ្នែករដ្ឋបាលនៃធនាគារ តៃវ៉ាន់

ថ្ងៃទី១៥ ខែសីហា ឆ្នាំ២០១៣  ម៉ោង៩:00ព្រឹក

ក្រុមការងារមជ្ឈមណ្ឌលPPCILចំនួន៥នាក់ បានចុះទៅជួបចរចានិងពិភាក្សាជាមួយអ្នកតំណាង ធនាគារ តៃវ៉ាន់ ខូអបភើរេធីវ លីមីតធីត គឺកញ្ញា សុខឡា ប្រធានផ្នែករដ្ឋបាល ក្រុមការងារបានជួបពិភាក្សាស្តីពី ការចល័តទីចេញចូលសម្រាប់ជនពិការ នៅក្នុងធនាគារ តៃវ៉ាន់ ។ ការពិភាក្សានេះផ្តោតសំខាន់ទៅលើបញ្ហាដូចជា ផ្លូវជម្រាល ស្លាកសញ្ញា និងបន្ទប់អនាម័យសម្រាប់
ជនពិការប្រើប្រាស់ ។ ក្រុមការងារPPCIL បានស្នើសុំអោយ ធនាគារ តៃវ៉ាន់ជួយកែរសម្រួល អ្វីដែលជាឧបសគ្គ ដូចបានជម្រាប់ខាងលើ  ។  កញ្ញា សុខឡា ប្រធានផ្នែករដ្ឋបាល បានមានប្រសាសន៍ថា គាត់មិនហ៊ានសម្រេច នោះទេ គឺសូមយកសំណើរនេះទៅជម្រាបដល់ លោកនាយក ជាមុនសិន ហើយបើសិនជាលោកនាយក ឆ្លើយតបយ៉ាងណា គាត់នឹងជូនដំណឹងមកក្រុមការងារPPCILយ៉ាងឆាប់រហ័ស ។



កិច្ចពិភាក្សា

ធនាគារតៃវ៉ាន


                  (ធ្វើសិទ្ឋិឲ្យក្លាយជាការពិត និងកសាងសង្គមមួយសម្រាប់យើងទាំងអស់គ្នា)

កិច្ចពិភាក្សារវាងក្រុមការងារPPCILជាមួយប្រធានរដ្ឋបាល ស្ថាបនាលីមីតធីត

ថ្ងៃទី១៤ ខែសីហា ឆ្នាំ២០១៣ ក្រុមការងារមជ្ឈមណ្ឌលPPCIL ចំនួន៤នាក់បានចុះទៅជួប ប្រធានផ្នែករដ្ឋបាល ស្ថាបនាលីមីតធីត ដែលមានទីតាំងនៅតាមបណ្តោយ ផ្លូវសហពន្ឋ័រស្ស៊ី សាខាពោធិ៍ចិនតុង ក្នុងគោលបំណងស្តីពីការចល័តទីចេញចូល សម្រាប់ជនពិការ  ។
សូមបញ្ជាក់ផងដែរថា នៅស្ថាបនាលីមីតធីត សាខាពោធិ៍ចិនតុង គឺមានការចល័តទីល្អសម្រាប់ ជនពិការ រួចហើយប៉ុន្តែនៅមានចំនុចខ្លះខាតបន្តិចគឺ បន្ទប់ទឹកធំទូលាយហើយតែ មាត់ទ្វាររាងតូច ពិបាករុញរទេះចូលនិងមិនមានបំពាក់បង្កាន់ដៃសម្រាប់ជនពិការនៅឡើយ ។
ក្រុមការងារPPCIL បានស្នើសុំនិងសំណូមពរ ដល់ប្រធានផ្នែករដ្ឋបាលជួយកែរសម្រួលនូវអ្វីដែល ជាឧបសគ្គសម្រាប់ជនពិការមានដូចជា

១.មាត់ទ្វារបន្ទប់អនាម័យអោយធំទូលាយដើម្បីងាយស្រួលរទេះប្រើប្រាស់
២. បំពាក់បង្កាន់ដៃសម្រាប់ជនពិការកាន់
៣.បំពាក់ស្លាសញ្ញាជនពិការ

ក្រោយពីបានធ្វើការពិភាក្សាប្រហែលជា១៥នាទីរួចមក ប្រធានផ្នែករដ្ឋបាល ស្ថាបនាលីមីតធីត បានមានប្រសាសន៍ថាគាត់និងយកសំណើរនេះទៅជម្រាបដល់លោកប្រធានជាមុនសិន ពីព្រោះគាត់មិនហ៊ានសម្រេចឡើយ។ ហើយបើសិនជាលោកនាយកសម្រេចយ៉ាងណា គាត់និងផ្តល់ដំណឹងមកមជ្ឈមណ្ឌលPPCIL។

ក្រុមការងារមជ្ឈមណ្ឌលPPCILសូមថ្លែងអំណរគុណយ៉ាងជ្រាលជ្រៅដល់ប្រធានផ្នែករដ្ឋបាលដែលបានចំណាយពេលវេលាដ៍មានតម្លៃជួបពិភាក្សាជាមួយនិងក្រុមការងារមជ្ឈណ្ឌលសូមគោរពជូនពរសុខភាពល្អ និងជោកជ័យគ្រប់ភារកិច្ច ។


ស្ថាបនាលីមីតធីត

កិច្ចពិភាក្សា



ធ្វើសិទ្ឋិឲ្យក្លាយជាការពិត

Monday, August 12, 2013

កិច្ចពិភាក្សាក្រុមការងារPPCILជាមួយសាលាអន្តរជាតិអារិចកាំងប្រ៊ិដ និងសាលាអន្តរជាតិកម្ពុជា

ថ្ងៃទី១២ ខែសីហា ឆ្នាំ២០១៣ វេលាម៉ោង៣:00-៣:២០នាទីរសៀល ក្រុមការងារ មជ្ឈមណ្ឌល PPCILចំនួន៥នាក់បានចុះទៅធ្វើការចរចានិងពិភាក្សាជាមួយនិងប្រធានផ្នែករដ្ឋបាលនៃសាលាអន្តរជាតិអារិចកាំងប្រ៊ិដ ដែលមានទីតាំងនៅបណ្តោយផ្លូវសហពន្ឋ័រស្ស៊ី  ។ក្នុងគោលបំណងចរចានិងពិភាក្សាស្តីពីការចល័តទីចេញ ចូលសម្រាប់ជនពិការ នៅក្នុងសាលា សូមបញ្ជាក់ផងដែរថានៅសាលាអន្តរជាតិអារិចកាំងប្រ៊ដគឺមិនមានជម្រាលសម្រាប់ជនពិការប្រើប្រាសនៅឡើយដូច្នេះហើយបានជាក្រុមការងារPPCIL ធ្វើការដាក់លិខិតណាត់ជួបដើម្បី ពិភាក្សាលើ បញ្ហា ផ្លូវ ជម្រាល និងបន្ទប់អនាម័យសម្រាប់ជនពិការ ។ ក្រោយពីបានពិភាក្សា គ្នារយ:ពេល២០ នាទីរួចមក ពួកគាត់បានយល់ពីសកម្មភាពមជ្ឈមណ្ឌលPPCIL ហើយគាត់បានមានប្រសាសន៍ ថាគាត់ និងយកការសំណួមពរនេះទៅដល់លោកនាយកសាលា ដើម្បីឲ្យគាត់ជ្រាបនៅ ឧបសគ្គស ម្រាប់ជនពិការ ។

ក្រុមការងារបានធ្វើការស្នើសុំមានដូចជា

១. សូមសាងសងផ្លូវជម្រាលនៅចំច្រកទ្វារ ដែលមានកាំចំនួន៥
២.បន្ទប់អនាម័យគឺកែរទ្វារបើកចេញក្រៅនិងសាងសង់ជម្រាល

មជ្ឈមណ្ឌលPPCIL សូមថ្លែងអំណរគុណដល់ប្រធានផ្នែករដ្ឋបាលដែលបានចំណាយពេល វេលាដ៍មានតម្លៃក្នងការពិភាក្សាជាមួយនិងក្រុមការងារសូមជនពរមានសុខភាពល្អ និងជោកជ័យគ្រប់ភារកិច្ច ។

សាលាអន្តរជាតិអាមេរិចកាំងប្រ៊ិដ

ក្រុមការងារជួបពិភាក្សាជាមួយផ្នែរដ្ឋបាល


នៅម៉ោង៣:៤០នាទីល្ងាចក្រុមការងារមជ្ឈមណ្ឌលPPCIL បានទៅជួបលោកនាយករងនៃសាលា
អន្តរជាតិកម្ពុជា ដែលមានទីតាំងតាមនៅបណ្តោយផ្លូវសហពន្ឋ័រស្ស៊ី  ក្នុងគោលបំណងស្តីពីការ ចល័តទី ចេញចូលសម្រាប់ជនពិការ ។  សូមបញ្ជាក់ផងដែរថានៅសាលាអន្តរជាតិកម្ពុជា គឺមានបញ្ជុះតម្លៃ៣០% សម្រាប់ជនពិការ ប៉ុន្តែនៅក្នុងសាលាគឺមិនបន្ទប់អនាម័យសម្រាប់ជន ពិការប្រើប្រាស់នោះទេ ដូច្នេះហើយបានជាមជ្ឈមណ្ឌលPPCIL ធ្វើការណាត់ជួបពិភាក្សាពីបញ្ហាខាង លើសម្រាប់ជនពិការ ដើម្បីធ្វើយ៉ាងអោយមានការចល័តទីចេញចូលងាយស្រួល ពេលដែល មានជនពិការទៅសិក្សានៅសាលាអន្តរជាតិកម្ពុជា ពីព្រោះថាជនពិការគាត់ក៍មានសិទ្ឋចូលរៀន ដូចជន មិនពិការដែរ ។ ក្រុមការងារមជ្ឈមណ្ឌលPPCIL បានធ្វើការសំណូមពរនិងស្នើសុំ ដល់ លោក នាយករង នៅពីរចំនុចដូចខាងក្រោម

១. បន្ទប់អនាម័យកែរទ្វារចេញក្រៅ

២ .និងសាងសង់ជម្រាលនៅមុខមុខបន្ទប់អនាម័យ

ក្រោយពីបានធ្វើការពិភាក្សាអស់រយ:ពេលប្រហែលជា១៥ នាទីរួចមកលោក នាយករង  គាត់បានមានប្រសាសន៍ថា រូបលោកនិងយកសំណើរនេះទៅដល់លោកនាយក ឲ្យគាត់បានជ្រាប។ ហើយគាត់បានបន្តទៀតថា សំណើរនេះអាចធ្វើបាន នៅក្នងសាលាអន្តរជាតិកម្ពុជា ។

មជ្ឈមណ្ឌលPPCIL សូមថ្លែងអំណរគុណដល់លោក នាយករង ដែលបានចំណាយពេលវេលាដ៍ មានតម្លៃក្នុងការជួបពិភាក្សាជាមួយក្រុមការងារលើបញ្ហាការចល័តទីចេញចូលសម្រាប់ជនពិការសូមជូនពរសុខភាពល្អ និងជោកជ័យគ្រប់ភារកិច្ច ។

សាលាអន្តរជាតិកម្ពុជា

កិច្ចពិភាក្សាជាមួយ លោកនាយករង

Friday, August 9, 2013

កិច្ចពិភាក្សារវាងមជ្ឈមណ្ឌលPPCIL និងអ្នកតំណាងក្រុមហ៊ុន ប្រេងឥន្ទន: កម្ពុជាតេលា

ថ្ងៃទី០៩ ខែសីហា ឆ្នាំ២០១៣


ក្រុមការងារមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ (PPCIL) ចំនួន៤នាក់មានដូចជា លោកវ៉ែន រតនា កញ្ញាគង់ ស្រីញៀន កញ្ញាប្រាក់ វណ្ណដា លោក គុណសុជា បានចុះទៅធ្វើការចរចានិងពិភាក្សាជាមួយលោក អេង កុសល ជាអ្នកតំណាងក្រុមហ៊ុន ប្រេង ឥន្ទន: កម្ពុជាតេលា ក្នុងគោលបំណង ស្តីពីការចល័តទីចេញចូលសម្រាប់ជនពិការ ។មូលហេតុដែលមជ្ឈមណ្ឌលជ្រើសយកក្រុមហ៊ុន ប្រេងឥន្ទន:កម្ពុជាតេលា មកធ្វើការចរចា ពីព្រោះ ថានៅ រាជធានីភ្នំពេញគឹមានសាខា តេលាច្រើនហើយក៍មាន ម៉ាត ដូច្នេះហើយបានជា មជ្ឈមណ្ឌលPPCIL បានដាក់លិខិតសុំការណាត់ជួបដើម្បីពិភាក្សា។ ក្នុងកិច្ចពិភាក្សានេះក្រុមការងារPPCILបានសំណូមពរ និងស្នើរសុំឲ្យ ក្រុមហ៊ុន ប្រេងឥន្ទន: កម្ពុជា តេលា ជួយកែសម្រួលការចល័តទីចេញចូល សម្រាប់ជនពិការនៅតាមសាខា ប្រេង ឥន្ទន:តេលា ដែលមានម៉ាត និងបន្ទប់អនាម័យ ដើម្បីអោយជនពិការ អាច ចូលទិញ របស់ប្រើប្រាស់និងចូលបន្ទប់អនាម័យ បានដោយ គ្មានឧបសគ្គ សម្រាប់ពួកគាត់។

 មានដូចជា

១. ផ្លូវជម្រាលចូលម៉ាត
២. បន្ទប់អនាម័យធំទូលាយនិងបង្កាន់ដៃព្រមទាំងទ្វារបើកចេញក្រៅ
៣. ស្លាកសញ្ញាជនពិការ
៤. ចំណតរថយន្ត

ក្រោយពីធ្វើការពិភាក្សាអស់រយ:ពេលជិត៣០នាទីរួចមក លោកអេង កុសល បានមានប្រសាសន៍ថា
គាត់និងជួយយកសំណើរនេះទៅដល់ថ្នាក់លើ ហើយគាត់សូមឲ្យក្រុមការងារយកប្លង់បន្ទប់អនាម័យ
មកឲ្យគាត់ដើម្បីងាយស្រួលក្នុងការសាងសង់កុំអោយខុសស្តង់ដា ហើយគាត់និងជួយជ្រោមជ្រែង ពីព្រោះនេះជាការងារមួយដ៍ល្អជួយដល់សង្គម ។

ក្រុមការងាមជ្ឈមណ្អលPPCIL សង្ឃឹមយ៉ាងមុតមាំថា លោកប្រធាន ក្រុមហ៊ុ នប្រេងឥន្ទន: កម្ពុជា តេលា និងយល់ព្រមតាមការស្នើរសុំជាក់ជាមិនខាន់ ។

ក្រុមការងារមជ្ឈមណ្ឌលPPCIL សូមថ្លែងអំណរគុណចំពោះលោក អេង កុសល ជាអ្នកតំណាងក្រុម
ហ៊ុន ប្រេងឥន្ទន:កម្ពុជាតេលា ដែលបានចំណាយពេលវេលាដ៍មានតម្លៃមកពិភាក្សា ជាមួយ ក្រុមការងារ សូមជូនពរលោកប្រធាននិងអ្នកគ្រប់គ្រងទាំងអស់មានសុខភាពល្អ ប្រថ្នាអ្វីសូ មបានសម្រេច ។

កិច្ចពិភាក្សា
លោកអេង កុសល


ក្រុមហ៊ុនកម្ពុជាតេលា

                                           កសាងសង្គមមួយសម្រាប់យើងទាំងអស់គ្នា

Monday, August 5, 2013

ច្បាប់ស្តីពី កិច្ចការពារ និងលើកកម្ពស់សិទ្ឋិជនពិការ

                       ប្រកាសឱ្យប្រើ

ច្បាប់ ស្តីពីកិច្ចការពារ និងលើកកម្ពស់សិទ្ឋិជនពិការ ដែលរដ្ឋសភាបានអនុម័តកាលពីថ្ងៃទី២៩ ខែឧសភា ឆ្នាំ២០០៩ នាសម័យប្រជុំរដ្ឋសភា លើកទី២ នីតិកាលទី៤ និងដែលព្រឹទ្ឋសភាបាន យល់ស្របតាមទម្រង់និងគតិនៃច្បាប់នេះទាំងស្រុកដោយគ្មានការកែប្រែអ្វីឡើយ  កាលពីថ្ងៃទី១៦ ខែមិថុនា ឆ្នាំ២០០៩ នាសម័យប្រជុំវិសាមញ្ញ ហើយដែលមាន សេចក្តី ទាំងស្រុង  ។


សៀវភៅច្បាប់


ជំពួកទី៥ ការចេញចូលទីកន្លែងសាធារណ:

មាត្រា ២១

រាល់ទីកន្លែងសាធារណ: ត្រូវរៀបចំឱ្យមានលក្ខណ:ងាយស្រួលចេញចូលសម្រាប់ជនពិការ គ្រប់ប្រភេទ ដូចជាការធ្វើជម្រាល ការបំពាក់ឧបករណ៍ធ្នាក់ដៃនៅតាមបន្ទប់ទឹក ការដាក់ស្លាកសញ្ញានានា ។

មាត្រាទី២២

ក្រសួងមានសមត្ថកិច្ចដែលបានផ្តល់លិខិតអនុញ្ញាតិលើគម្រោងសាងសង់ ការសាងសង់និងត្រួត ពិនិត្យសំណង់ទីកន្លែងសាធារណ: ត្រូវធានាលក្ខណ:ងាយស្រួលចេញចូលរបស់ជនពិការ ដូចមានចែងក្នុងមាត្រា២១នៃច្បាប់នេះ ។


ជម្រាលសម្រាប់ជនពិការ
បន្ទប់អនាម័យសម្រាប់យើងទាំងអស់គ្នា



ចំណតឡាន
បន្ទប់អនាម័យ

 រួមគ្នាធ្វើសិទ្ឋិឲ្យក្លាយជាការពិត

Tuesday, July 30, 2013

លទ្ឋផលការពិភាក្សានៅអាកាសយានស្ថានអន្តរជាតិភ្នំពេញ

ថ្ងៃទី៣០ ខែកក្តដា ឆ្នាំ២០១៣ ក្រុមការងាររបស់មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ(PPCIL) ចំនួន០៤នាក់មានដូចជា លោក ម៉ី សាម៉ីត កញ្ញាជា បុប្ផា លោកគុណ សុជា កញ្ញាសិទ្ឋ សុគន្ឋបុផា បានចុះទៅចរចានឹងពិភាក្សាជាមួយផ្នែករដ្ឋបាលនៃអាកាសយានស្ថានអន្តរជាតិភ្នំពេញ ក្នុងគោលបំណងពិភាក្សាអំពី បញ្ហាបន្ទប់អនាម័យសម្រាប់ជនពិការ ។

សូមបញ្ជាក់ផងដែរថា នៅអាកាសយានស្ថានអន្តរជាតិភ្នំពេញ គឺមានបន្ទប់អនាម័យសម្រាប់ ជនពិការប្រើប្រាស់រួចហើយ ប៉ុន្តែការសាងសង់ នូវមានចំនុចខ្វះខាតបន្ទិចបន្ទួច មិនអាច ប្រើប្រាស់ងាយ ស្រូលតាមតម្រូវការរបស់ជនពិការនៅឡើយទេ ។  ដូច្នេះក្រុមការបានធ្វើសំណើរ ដែលបង្ហាញពីសេចក្តីត្រូវការរបស់ជនពិការដូចជា ដាក់ស្លាកសញ្ញា ទ្វារបើកចេញក្រៅ និងត្រូវបំពាក់បង្កាន់ដៃសម្រាប់ជនពិការ៕ ល៕

រាល់សំណើររបស់ក្រុមការងារបានលើកឡើងអ្នកគ្រប់គ្រងផ្នែករដ្ឋបាល បានទទួល យកដោយក្តីរីក រាយ ហើយគាត់នឹងយកសំណើរនេះទៅរាយការណ៍ជូន លោកប្រធានឲ្យបានជ្រាប ដើម្បី ធ្វើការ កែសម្រួល ។

ក្រុមការងារមជ្ឈមណ្ឌលPPCIL សូមថ្លែងអំណរគុណដល់ លោកប្រធាន និងអ្នកគ្រប់គ្រង នៅអាកាសយានស្ថានអន្តរជាតិភ្នំពេញ ដែលបានចំណាយពេលវេលា ដ៍មានតំលៃ ចូលរួមពិភាក្សាអំពី បន្ទប់អនាម័យ សម្រាប់ជនពិការ  និងធ្វើការកែសម្រួលនៅចំនុចខ្វះខាត សម្រាប់ជនពិការ សូមជូនពរ មានសុខភាពល្អ ប្រាថ្នាអ្វីសូមបានសំរេច ។

អាគាររដ្ឋបាលអាកាសយានស្ថានភ្នំពេញ


កិច្ចពិភាក្សា


បន្ទប់អនាម័យ